ក្រុម​ខ្លាំងទាំង​៤ គេច​​គ្នា​​នា​វគ្គ​ ១/៤​ League Cup អង់គ្លេស

គូ​ប្រកួត​នៃ​វគ្គ​៨ក្រុម​ចុង​ក្រោយ (ឬ​ ១/៤ផ្ដាច់ព្រ័ត្រ) ពាន​រង្វាន់ League Cup របស់​អង់គ្លេស (Capital One Cup) បាន​រក​​ឃើញ​អស់​ហើយ ដែល​ក្នុង​នោះ​ក្រុម​ខ្លាំងៗ​ មិន​ជួប​គ្នា​នោះ​ទេ។

កីឡាករ​ក្រុម​ Spurs អបអរ​ក្រោយ​ឈ្នះ​ Hull ដោយ​បាល់​ប៉េណាល់ទី

ក្រុម​មេឃ​ខៀវ Manchester City ដែល​ឈ្នះ Newcastle ២-០ ក្រោយ​ថែម​ម៉ោង​១៥នាទី​២ដង​យប់​មិញ​នេះ នឹង​ត្រូវ​ធ្វើ​ដំណើរ​ទៅ​ផ្ទះ​ក្រុម​លីក​លំដាប់​ទី​២ Leicester ខណៈ Tottenham Hotspur ដែល​ឈ្នះ Hull City ដោយ​បាល់​ប៉េណាល់ទី​កាត់​សេចក្ដី​យប់​មិញ​ដែរ​នោះ​ នឹង​ត្រូវ​ទទួល​ភ្ញៀវ West Ham។

ចំណែក​ក្រុម​បិសាច​ក្រហម Manchester United វិញ ក៏​មិន​សូវ​ពិបាក​ដែរ ដោយ​ត្រូវ​ប៉ះ Stoke City។ រី​ឯ​១គូ​ទៀត គឺ Chelsea ត្រូវ​រង់​ចាំ​ក្រុម​ឈ្នះ​រវាង Sunderland និង Southampton ដែល​ត្រូវ​ប្រកួត​គ្នា​យប់​ថ្ងៃ​ពុធ​សប្ដាហ៍​ក្រោយ។

គូ​ប្រកួត​វគ្គ​៨​ក្រុម​ចុង​ក្រោយ
ក្រុម​ម្ចាស់​ផ្ទះ		ក្រុម​ភ្ញៀវ
Leicester	Vs	Manchester City
Stoke	Vs	Manchester United
Sunderland/Southampton	Vs	Chelsea
Tottenham Hotspur	Vs	West Ham

Chelsea, Spurs, Man Utd និង Man City សុទ្ធ​តែ​គេច​ផុត​ពី​គ្នា​ទាំង​អស់។ តើ​ក្រុម​៤នេះ នឹង​បន្ត​ឡើង​ទៅ​ជួប​គ្នា​នា​វគ្គ​ពាក់​កណ្ដាល​ផ្ដាច់ព្រ័ត្រ​​បាន​ដែរ​ឬ​ទេ? ការ​ប្រកួត​វគ្គ​៨​ក្រុម​ចុង​ក្រោយ នឹង​ត្រូវ​ធ្វើ​ឡើង​នៅ​ពាក់​កណ្ដាល​ខែ​ធ្នូ។